HÚS SKÁLDANNA

Íslendingar sköpuðu sér skáldaorð strax á miðöldum. Þeir fluttu konungum dýrar drápur og skráðu sögur þeirra á skinn. Við skoðum hús og staði skáldanna og söfn sem þeim hafa verið tileinkuð, allt frá heitum potti Snorra í Reykholti til sundlaugar Nóbelskáldsins á Gljúfrasteini. Jónasarstofa er á Hrauni í Öxnadal og skáldahúsin þrjú, Nonnahús, Davíðshús og Sigurhæðir Matthíasar, á Akureyri. Skriðuklaustur Gunnars Gunnarssonar er magnaður staður og bókahilla Þórbergs á Hala í Suðursveit stórskemmtileg. En ferðin hefst í Þjóðmenningarhúsinu þar sem miðaldahandritin, þjóðargersemar Íslendinga, eru til sýnis.

Tilbaka